客好里辦公室

髻鬃花 鄭朝方 詞 葉國居 曲 鄭朝方 在家鄉 開等一蕊白白靚靚个花 一蕊花  看起來就像人擎等一支 遮 1   打早 2 在田園 山崎 3  暗晡頭又轉到吾个屋下 該蕊花  係阿婆頭 林(那) 頂个 髻鬃 4 花  髻鬃花  毋驚日頭烈烈天公轉風車  毋管到 哪位 5 心肝儘採 心頭暖 一支遮 髻鬃花  你看該 迷人花香毋會差  該蕊花  汗水香 囥 6 等親情分麼儕  髻鬃花 係恁樣 勞勞碌碌 7 朝晨做到日頭斜 斜 8 髻鬃花 你看該 阿婆越老越開花  該蕊花 白雪雪 青絲變白 髮 9 為了家 這蕊花 係恁樣形个永永遠遠 日日年年開等啊 [1]zhaˋ(海)/ zaˊ(四):雨傘  [2]daˊzoˊ(海)/daˋ zoˋ(四):一大早  [3]sanˋgiaˇ(海)/sanˊgia(四):山坡 [4] giˇ zungˋ(海)/gi zungˊ(四): 古代客家婦女的一種髮髻樣式 [5] nai+ vui+(海)/nai vi(四):哪裡 [6] kongˇ(海)/ kong(四):藏  [7] lo lug (海)/ loˇlugˋ(四)  [8] cia(海)/ qiaˇ(四) [9]【易錯】 fad(海)/ fadˋ(四)

全聯福利中心主題曲 客家版 https://youtu.be/VeYJdYrRGPE 這位个 逐儕 1 人 全 2 有 滿足 3 个笑容  用盡實在个 態度 4 愛分你感動  逛街 5 購物 6 大家東西毋使愁  嗯哩係同你省錢个好朋友 全聯福利中心 社區个便利中心 全聯福利中心 屋下購物个美好天地  嗯哩就在 脣項 7 恬恬用愛關心你  全聯福利中心 實在當便宜 (口白) Woo〜實實在在共下便宜買好貨  LALA〜簡簡單單分你快樂好時光  全聯福利中心 實在當便宜 [1] dagˋsaˇ(四)/ dag sa(海):每個人  [2] qionˇ(四) / cion(海):都 [3] manˊjiugˋ(四) / manˋziug(海)  [4] tai tu(四) / taiˇtu+(海) [5] ongˇgieˊ(四)/ong gaiˋ(海)  [6] gieu vud(四)/ gieuˇ vudˋ(海) [7] sunˇhong(四)/ shun hong+(海): 旁邊

  110 年全國語文競賽客家語朗讀文章高中學生組 編號 2 號 【跌米籮】李秉璋原作 （海陸腔） 雖然講一分打拚，一分收成，毋過對耕種人來講，較多个係看天食飯！順風順雨大豐收，斯當歡喜，毋過，係堵著落價，該斯無採工咧，價數便宜到像豬屎樣無人愛。若係堵著天旱、禾熱病1、發風搓，做下都無好收成，該斯當慘。天氣當熱，乜係愛在田町放勢做事，做到大汗潑小汗，對少年拚到老，從打早做到暗，做到看人面毋著，全係為著想愛過較好一兜个生活。對海脣到平洋，滿哪位都有廟，分百姓个心靈有一隻寄託个所在。 水汴頭2，一隻樸實个詔安客莊頭。祖先在清朝康熙時代斯過來臺灣，在這生活。為著求平安，望有好收成，這莊頭有一隻流傳百過年、當特別个風俗──跌米籮。講起米籮，係頭過耕種人定著用得著个傢啦伙。無論係㧡穀、㧡菜、㧡番薯、㧡地豆全用得著。水汴頭个崇賢寺逐年正月半暗晡，歸莊頭个人斯會來到這。頭下碼，大家來跌爐主3摎四個頭家，負責今年莊頭神明个頭路，續下來斯係跌米籮，問觀音佛祖莊頭今年个運勢。 頭過莊肚个人係在爐主屋下跌米籮，大家摎神明祈求保護歸莊頭平安，續等在金爐頭前用金紙點火在米籮頂 幾圈，淨化米籮。過來主祭个人會摎神明說明這下愛問个係麼个，續下來斯用點火个金紙在米籮肚捩幾輪，斯交代人拿去屋後背，出力向屋面前个坪仔擲過去。米籮飛過屋崠頂，向前跌落頭前个坪仔，緊輪緊輪4，老老嫩嫩、大大細細摎坪仔尖到淰淰，大家帶等萬分个期待等結果。 擲過來个米籮若係開口向天，斯係代表來年運勢會好、會豐收；米籮係倒覆5斯表示收成毋好；米籮若係半倒斯係半好半壞。早期用二十四節氣來問，這下係用舊曆月份來問，先問莊頭事，像「正月十五蒔早冬禾好無？」像舊年斯跌出尾冬地豆，大暑前好、大暑後半收；高麗菜，七月好，十月毋好這兜。人有流年，農作物該年度乜有好壞，莊肚老者講跌米籮出來个結果斯係「當道」，代表種菜个流年。跌米籮代表先民在艱難時代求生活、求神明保護，用跌米籮代表千千萬萬个希望，逐隻飛對屋崠過來个米籮斯代表一隻希望，希望歸莊頭平安、來年豐收好過日。 1 禾熱病：音 vo ngiedˋ piang⁺；稻熱病。發病時稻葉形成褐色，穀粒不充實或為空包彈，嚴重時葉片枯萎甚至整株枯死。 2 水汴頭：音 shuiˊ banˋ teu；原指控制水流的水閥，此處指地名。 3 跌爐主：音 died lu zhuˊ；擲聖筊以決定下次奉侍神明...

  110 年全國語文競賽客家語朗讀文章高中學生組  編號1號 【遠方个人客】劉玉蕉原作 （ 海陸腔 ）         毋知對哪日起勢，屋簷下恬索索咧！打早，大門吂開，心肝斯掛吊等該烏烏个身影，會入目珠來無？地泥下有屎好清無？門一開，探頭看著个係失望，𠊎等啊等仔，日頭慢慢仔徙步，晟到門檻來咧，空空个鳥竇，等毋著佢个主人，𠊎，等毋著𠊎个人客。         春天，係造物者變奇術个季節。空氣肚還留有冷天个味緒，還較多个係春天个燒暖，清風撩人，在榮榮个花、嫩嫩个葉莖之間流連，蜂仔摎蝶仔也跈等歡喜採蜜！佢帶來生命，該，係毋係乜會帶來遠方个人客？𠊎日望夜想，出入大門時節，總會探頭看下，祈求該遠方个人客，千萬毋好毋記得自家个舊竇。         一陣吱啁聲對屋簷下傳來，歸屋人躘等出去 ₁ ，頭昂昂看該熟事个身影，舊年个燕仔尋轉來咧，斯停在佢兜舊年結个鳥竇肚，兩隻烏烏个頭那探出來，四蕊目珠摎𠊎兜對看，算係相借問咧！𠊎兜有摎老朋友見面个歡喜，佢兜用清清亮亮个吱啁聲來回應！過後幾日，屋簷下當鬧熱，觜町銜泥个烏影，咻下出、咻下落，舊竇个上層，緊沿緊大、緊結緊高，會揬天篷哩喲，阿姆講：「愁麼个，佢兜毋會比你較戇啦！」係喲，恁遠地方尋得著路轉、會起屋戴，還毋會屙下來，𠊎正經輸悿悿哦！         拶腹个鳥竇結到差毋多咧，日時頭兩隻燕仔輪流飛出去絡食，夜來一隻在竇肚，一隻跍在竇脣。阿姆講：「佢兜輪等在該孵卵哦！」正經，成半個月過，斯聽著幼幼个細燕仔聲咧，總共有四隻，鳥公摎鳥嫲出去尋食該下，佢兜會乖乖在竇肚等，一聽著爺哀銜蟲仔轉竇个聲哨，嘴斯擘大大搶愛食，做爺哀儕一輪過一輪飛出飛入，四張嘴像無底个深坑樣，逐到都嘴擘大大啾啾滾討食，奇怪个係，爺哀仰會知哪隻餵過、哪隻吂食？         細燕仔生幼毛咧，媸媸个頭那殼長下弄啊弄仔探出鳥竇來，鳥公、鳥嫲跈等日頭个腳步還係飛出飛入，無閒直掣。細燕仔一日一日大，膴身个羽毛對灰色慢慢轉成烏金个翼毛該下，鳥公、鳥嫲斯會半拐半監佢兜學飛，這時節屋簷下盡鬧熱，乜係𠊎兜當歡喜个時節。慢慢仔，這綱細燕仔自家會絡食咧，斯恁樣生...

(拼音為四縣) 一、客華無共樣特色詞舉例 1.​注射zu sa (打針) 注射笐zu sa gongˇ (針筒) 注大笐射zu tai gongˇsa (打點滴) 預防射i fongˇsa  (疫苗) 血筋hiedˋginˊ(血管) 遰病遰着恁傷重个時節，大家有去注預防射無   2.​著病cog piang (得病) 著釣 cog diau (上當了) 著病个時節，就愛遽遽去分先生看，毋好拖。 哪有可能無頭無尾會傳訊息同你講著着獎，你著釣哩！   3.​.車枋caˊbiongˊ (車班) 這下大家人屋下都有haiˋyaˇ，所以巴士車枋較少哩 頭枋車teuˇbiongˊcaˊ (第一班車) 尾枋車 miˊbiongˊcaˊ (末班車) 車嫲caˊmaˇ、火車嫲foˋcaˊmaˇ (火車頭) 車頭caˊteuˇ、火車頭foˋcaˊteuˇ (火車站) 車子caˊziiˋ、火車子foˋcaˊziiˋ (車廂) 打單daˋdanˊ、打車單daˋcaˊdanˊ (買車票) 註文zu vunˇ (預定) 到花蓮个尾枋車係幾多點? 一枋火車有幾多隻車子? 過年个車單無註文斯買毋着哦   4.​無斯moˇsiiˇ (不然的話~) 人家送你个，愛你就拿，無斯，你自家去買   5.​動啊着就 tungˊa doˋqiu (動不動就…..) 發譴fadˋkienˋ=發閼bodˋadˋ (生氣) 佢當壞漦，動啊着就發譴，莫怪無人愛同佢共下   6.​恅着lauˋdoˋ=話着va doˋ *六堆：覺着gogˋdoˋ 𠊎恅着你正大學畢業定，無想着你出來做事幾下年哩！   7.​試着cii doˋ *六堆：感覺着gamˋgogˋdoˋ 𠊎試着佢兩儕生到平平高 (我覺得他們兩個一樣高)   8.​~个時節ge siiˇziedˋ=該當時(ge dongˊsiiˇ)、該下 佢細細个時節當綻頭，輒輒搣鬼搣怪，大家都奈佢毋何。 *該當時，講較遽就變做「該ongˊ/liongˊ時」   9.​該下ge(ga) ha (那個時候；剛才=頭下teuˇha、頭先teuˇxienˊ、頭到teuˇdo) 當晝該下崖還有看着佢，這下毋知走哪去哩 該下佢還在這，正𥍉下目佢就毋見忒哩   10. 分人請(給人請客；給人...